Seena-e-Nabu'wat ki chaaki

.

Hazrat Halima farmati hain, jab aap ﷺ ki umar k 2 saal hogae tau main aap ko laikar waapis Makkah phunchi aur dil k hathoun majboor ho kar main ne Hazrat Amna se khoob israr aur zidd kar k aap ﷺ ko mazeed 1 saal k lye lay lya aur main unhay laiker wapis agae. 

.

Halima farmati hain k Khuda ki qasam mujhay Hazoor ﷺ ko abhi alye hue kuch hi months hue thay k aik roz aap ﷺ apnay raza'ai bhai k sath hamari bakri'oun k peechay gae thay k aap ka bhai means mera beta bhaga aya aur kaha k mere bhai (Hazoor) ko do white kapraoun walay aadmi utha kar lay gae aur aap ﷺ ko lita kar seena bhi chaak kar dya. 

.

..... Halima kehti hain k main aur mera husband dono bhagay hue wahan phunchay, dekhtay hain k aap ﷺ tu bilkul normal kharay hain, sirf face per khauf k asraat hain. 

Hum dono ne unhay foran utha kar seenay se lagaya aur pucha k, Ae lakht-e-jigr tumhay kia hogya tha? 

Tau Aap ﷺ ne farmaya: 

...." Do safaid poshak waloun ne akar mujhay litaya aur mera seena /chest chaak kardya. aur phir kuch talash karnay lagay. Pata nahi wo kia dhoondh rahay thay..."

.

Halima kehti hain k phir tau main aur mera shohar mustaqil aap ﷺ k sath rehnay lagay k kahin koi musibat is lakht-e-jigr per na toot paray. 

.

Phir mere shohar ne mujhay kaha k, Ae Halima! is bachay ko is k ghar phuncha dena munasib hai kioun k is k yahan rehnay se hum ko andesha hai k kahin koi afat na is ko phunch jae. jis ki jawab-dahi (answerable) humay karna hogi. 

...Phir Halima aur un k shohar ne izzat o akraam k sath Muhammad ﷺ ko Makkah Mukaramma ja kar Bibi Amna k hawalay kardya.